कुन कुन जीवन विमा कम्पनीले लाभांश घोषणा गरिसकेका छन् ?
नेप्सेमा लिष्टेड १२ वटा जीवन विमा (Life Insurance) कंपनीहरुमद्दे ६ वटा कंपनीहरुले लाभांश घोषणा गरी सकेका छन् । लाभांश घोषणा गरेका कम्पनीहरुमा आइएमई लाइफ (ILI), सूर्यज्योति लाइफ (SJLIC), सिटिजन लाइफ (CLI), रिलायबल लाइफ (RNLI), एशियन लाइफ (ALICL) र सन नेपाल लाइफ (SNLI) कम्पनीहरु छन् । लाभांश घोषणा गरेका जीवन बीमा कम्पनीहरुमद्दे सबैभन्दा बढी लाभांश सूर्यज्याति लाइफ इन्स्योरेन्सले ३५ प्रतिशत लाभांश घोषणा गरेको छ । जसमद्दे बोनस शेयर १०.२६ प्रतिशत र नगद २४.७४ प्रतिशत छ । घोषित लाभांश मद्दे सबैभन्दा घटी सिटिजन लाइफ इन्स्योरेन्सले नगद र बोनस शेयर गरी जम्मा ५.२६ प्रतिशत लाभांश घोषणा गरेको छ ।
यस सम्वन्धि विवरण यस प्रकार छ ।
| Dividend Declaration Status 079/80 | |||||
| Life Insurance | |||||
| Company | Bonus % | Cash % | Total % | Book Close | Fiscal Year |
| SJLIC | 10.26% | 24.74% | 35.00% | 2024-04-19 | 2079/2080 |
| ILI | 25.00% | 9.50% | 34.50% | 2079/2080 | |
| SNLI | 23.80% | 1.25% | 25.05% | 2024-05-09 | 2079/2080 |
| RNLI | 16.00% | 0.84% | 16.84% | 2024-01-29 | 2079/2080 |
| ALICL | 7.75% | 0.41% | 8.16% | 2024-02-20 | 2079/2080 |
| CLI | 5.00% | 0.26% | 5.26% | 2024-01-14 | 2079/2080 |
लाभांश नदिने घोषणा गरेका कम्पनीहरुः
यसैगरी ४ वटा इन्स्योरेन्स कम्पनीहरुले यस आ.ब मा लाभांश नदिने घोषणा गरी सकेका छन् । ति इन्स्योरेन्स कम्पनीहरुमा नेपाल लाइफ (NLIC), लाइफ इन्स्योरेन्स कर्पोरेशन (नेपाल) (LICN), हिमालयन लाइफ (HLI) र सानिमा रिलायन्स लाइफ (SRLI) छन् ।
लाभांश घोषणा हुन बाकीं कम्पनीहरुः
लाभांश घोषणा हुन बाकीं इन्स्योरेन्स कम्पनीहरुमा नेसनल लाइफ (NLICL) र प्रभु महालक्ष्मी लाइफ इन्स्योरेन्स (PMLI) कम्पनी छन् ।
पछिल्लो तथ्यांक अनुसार लाइफ इन्स्योरेन्स कम्पनीहरुको चुक्तापुँजी र कारोबारयोग्य शेयर संरचनाको कुरा गर्नुपर्दा सबैभन्दा धेरै चुक्तापुँजी रहेको कम्पनीमा नेपाल लाइफ इन्स्योरेन्स कम्पनी रहेको छ जस्को चुक्तापुँजी ८ अर्बभन्दा बढी रहेका छ भने सबैभन्दा कम चुक्तापुँजी रहेको इन्स्योरेन्स कम्पनीमा लाइफ इन्स्योरेन्स कम्पनी रहेको छ जस्को चुक्तापुँजी २ अर्ब ६५ करोड रहेको छ । कारोबारमा रहेको शेयर संरचनाको कुरा गर्नुपर्दा सबैभन्दा बढी कारोबारयोग्य शेयर नेपाल लाइफ र सबैभन्दा कम प्रभुमहालक्ष्मी लाइफ इन्स्योरेन्सको रहेको छ ।
यस सम्वन्धि विवरण यस प्रकार छ ।
| Paid Up Capital | |||
| Symbol | Share Outstanding | Floated Shares | Paid Up Capital |
| NLIC | 82079665 | 40219036.04 | 8207966539 |
| HLI | 80203836 | 39299879.64 | 8020383600 |
| SJLIC | 50119478 | 24558544.21 | 5011947797 |
| NLICL | 50116664 | 17540832.44 | 5011666411 |
| ALICL | 33998363 | 16659197.9 | 3399836306 |
| RNLI | 46400000 | 13920000 | 4640000000 |
| SRLI | 41840000 | 12552000 | 4184000000 |
| ILI | 40000000 | 12000000 | 4000000000 |
| CLI | 39375000 | 11812500 | 3937500000 |
| SNLI | 32000000 | 9600000 | 3200000000 |
| LICN | 26532000 | 7959600 | 2653200000 |
| PMLI | 42960000 | 6585768 | 4296000000 |
पुँजीबृद्धि सम्बन्धी योजनाः
बीमा क्षेत्रको नियामक निकाय नेपाल बीमा प्राधिकरणको निर्देशन अनुसार जीवन बीमा कम्पनीहरुलाई ५ अर्ब रुपयाँ पुँजी पुर्याउन निर्देशन दिएको छ । यसको लागि कतिपय जीवन बीमा कम्पनीले एक आपसमा मर्जर गरेर पनि चुक्ता पुँजी बढाएका छन् भने कतिपय कम्पनीले बोनस शेयर र राइट शेयरको मद्दत लिने भएका छन् । लाभांश घोषणा गरेका ६ वटा कम्पनीहरु आइएमई लाइफ, सूर्यज्योति लाइफ, सिटिजन लाइफ, रिलायबल लाइफ, एशियन लाइफ र सन नेपाल लाइफ ले बोनस शेयरको सहायता लिने भएका छन् भने बोनस शेयरले नपुग हुने वा बोनस शेयर घोषणा गरेका कम्पनीहरुले राइट शेयरको पनि सहायता लिने भएका छन् । राइट शेयर जारी गर्न लागेका जीवन बीमा कम्पनीहरुमा लाइफ इन्स्योरेन्स कर्पोरेशन (नेपाल), प्रभु महालक्ष्मी लाइफ, सानिमा रिलायन्स लाइफ, एशियन लाइफ, सन नेपाल लाइफ, सूर्यज्योति लाइफ इन्स्योरेन्स पर्दछन् । माथि उल्लेखित कम्पनीहरुलाई बीमा प्राधिकरणले राइट शेयर जारी गर्न स्वीकृति दिइसकेको छ ।
प्राविधिक रुपमा लाइफ इन्स्योरेन्सको अवस्था:
प्राविधिक रुपमा लाइफ इन्स्योरेन्सको अवस्थाको बारेमा कुरा गर्नुपर्दा नेप्सेको चार्टमा नन ट्रेडिङ जोनमा पर्दछ । आरएसआइ ४६ को आसपासमा रहेकोले अहिले नै लाइफ इन्स्योरेन्स ट्रेडिङको लागि उपयुक्त नभए पनि म्याकडी लाइनमा एकदिनको कारोवार टाइम फ्रेममा भने भर्खर बुलिस क्रसओभर आएको देखिन्छ ।
