नेप्सेको पछिल्लो स्वीङ हाइ (Swing High) देखि आजको दिनसम्म आइपुग्दा अन्य सेक्टरमा के भयो ?
नेप्सेको पछिल्लो स्वीङ हाई जनवरी २४, २०२४ अर्थात वि.सं २०८० माघ २ को क्लोजिङलाई आधार मान्ने हो भने नेप्से २१७५.१७ विन्दुमा रहेर बजार बन्द भएको थियो । त्यसयता नेप्सेमा सामान्य उतारचढाबको बाबजुत पछिल्लो कारोबार दिन बैशाख १८ गतेको कारोबारलाई आधार मान्दा करीब ७.७६ प्रतिशत अर्थात १६९ अंकले नेप्सेमा गिरावट आएको छ ।
तर यसै अवधि विच फाइनान्समा भने १३.८० प्रतिशत अर्थात २६६.६८ प्रतिशतको उच्च अंकको बृद्धि भएको छ । अन्तिम दिनको कारोबारमा भने फाइनान्स सेक्टरमा करेक्सन आएको छ ।
त्यसैगरी यस अवधि विच फाइनान्स बाहेक म्यानुफ्याक्चरीङ सेक्टरमा ५.७१ प्रतिशत अर्थात ३५३.४९ अंक र माइक्रोफाइनान्स सेक्टरमा २.०६ प्रतिशत अर्थात ८१.४२ अंकले बृद्धि भएको छ ।
अन्य सेक्टरहरु विकास बैंक सेक्टरमा १.५४ प्रतिशत , वाणिज्य बैंक सेक्टरमा १३.७३ प्रतिशत, हाइड्रोपावर सेक्टरमा ११.५२ प्रतिशत, होटल सेक्टरमा ११.०३ प्रतिशत, लाइफ इन्स्योरेन्स सेक्टरमा ९.०२ प्रतिशत, नन लाइफ इन्स्योरेन्स सेक्टरमा ७.०९ प्रतिशत र इन्भेष्टमेन्ट सेक्टरमा १२.४६ प्रतिशत गिरावट देखिएको छ ।
यस सम्वन्धि विवरण तलको चार्टमा प्रष्ट पारिएको छ ।
| Index UP & Down % in between Jan 24, 2024 to Apr 30, 2024 | |||
| S.N | SECTOR | UP % | DOWN % |
| 1 | NEPSE | 7.76 | |
| 2 | FINANCE | 13.8 | |
| 3 | MANUFACTURING | 5.71 | |
| 4 | MICROFINANCE | 2.06 | |
| 5 | DEV. BANK | 1.54 | |
| 6 | COMMERCIAL BANK | 13.73 | |
| 7 | HYDROPOWER | 11.52 | |
| 8 | HOTEL AND TOURISM | 11.03 | |
| 9 | LIFE INSURANCE | 9.02 | |
| 10 | NON LIFE INSURANCE | 7.09 | |
| 11 | INVESTMENT | 12.46 | |
मासिक सेक्टर रोटेसन (Monthly Sector Rotation) कस्तो देखिन्छ ?
मासिक सेक्टर रोटेसनको कुरा गर्नुपर्दा फाइनान्स सेक्टर पहिलो नंबरमा देखिन्छ । दोस्रोमा विकास बैंक सेक्टरले फाइनान्स सेक्टरलाई पछ्याएको देखिन्छ भने तेस्रोमा माइक्रोफाइनान्स र चौथोमा नन लाइफ देखिन्छ । अन्तिम नंवरमा म्यानुफ्याक्चरिङ सेक्टर देखिन्छ ।
यस सम्वन्धि विवरण तलको चार्टमा प्रष्ट पारिएको छ ।
| Monthly Sector Rotation | ||||
| Sectors | Monthly Rank | Index Value | Daily Gain | Monthly Gain |
| Finance | 1 | 2198.96 | 2.94% | 14.80% |
| Development Banks | 2 | 4196.11 | 6.65% | 7.12% |
| Microfinance | 3 | 4031.62 | 1.40% | 4.90% |
| Non Life Insurance | 4 | 10506.64 | 1.86% | 0.39% |
| Life Insurance | 5 | 10123.6 | 0.70% | 0.06% |
| Tradings | 6 | 2729.72 | 0.29% | -0.53% |
| Investment | 7 | 74.78 | 1.12% | -1.41% |
| Hotels | 8 | 5064.97 | 1.91% | -1.43% |
| Commercial Banks | 9 | 1044.82 | 1.40% | -1.88% |
| Others | 10 | 1641.19 | -0.52% | -1.99% |
| Hydro Power | 11 | 2433.38 | 1.10% | -2.39% |
| Manufacturing And Processing | 12 | 6548.45 | 0.29% | -6.52% |
पछिल्लो एक महिनामा सबैभन्दा बढी कमाउने र गुमाउने ( Earn & Loose) कंपनीहरु कुन कुन हुन्र ?
पछिल्लो एक महिनाको कंपनी विश्लेषण गर्ने हो भने सबैभन्दा बढी पोखरा फाइनान्सको ७१ प्रतिशत भन्दा बढी मूल्य बृद्धि भएको छ भने दोस्रोमा नेपाल फाइनान्स, तेस्रोमा गुँरास लघुवित्त र चौथोमा जानकी फाइनान्स देखिन्छ ।
सबैभन्दा धेरै गुमाउने कंपनीहरुमा क्रमशः रुरु हाइड्रोपावर, सर्बोत्तम सिमेन्ट, धौलागिरी लघुवित्त पर्दछन् । रुरु हाइड्रोपावरले २४ प्रतिशत भन्दा बढी गुमाएको छ भने दोस्रोमा सर्बोत्तम सिमेन्टले २० प्रतिशत भन्दा बढी गुमाएको छ ।
यस सम्वन्धि सबैभन्दा बढी कमाउने ५ वटा कंपनीको विवरण तलको चार्टमा प्रष्ट पारिएको छ ।
| One Month Return | |||
| Company | One Day Return | One Month Return | Last Transaction |
| PFL | -7.18% | 71.42% | 2024-04-30 |
| NFS | 4.68% | 48.12% | 2024-04-30 |
| GLBSL | -6.60% | 47.55% | 2024-04-30 |
| JFL | 3.48% | 38.96% | 2024-04-30 |
| PPL | 6.38% | 38.43% | 2024-04-30 |
यस सम्वन्धि सबैभन्दा बढी गुमाउने ५ वटा कंपनीको विवरण तलको चार्टमा प्रष्ट पारिएको छ ।
| One Month Loose | |||
| Company | One Day Loose | One Month Loose | Last Transaction |
| RURU | 1.18% | -24.26% | 2024-04-30 |
| SARBTM | 0.63% | -20.18% | 2024-04-30 |
| DLBS | 0.09% | -19.53% | 2024-04-30 |
| BPW | -3.04% | -19.11% | 2024-03-06 |
| BNL | -5.73% | -17.82% | 2024-04-30 |
प्राविधिक रुपमा अब कुन सेक्टरमा मोमेन्टम आउने सम्भावना छ त ?
पछिल्लो दिनको कारोबारलाई आधार मान्ने हो भने टप १० मा रहेको कंपनीहरुको विश्लेषण गर्ने हो भने विकास बैंकबाट ४ वटा कंपनी, लघुवित्तबाट २ वटा, हाइड्रोपावरबाट २ वटा, इन्स्योरेन्सबाट १ वटा र उत्पादन समूहबाट १ वटा कंपनीहरुले सबैभन्दा बढी कमाएको देखिन्छ । मासिक सेक्टर रोटेसनमा फाइनान्समा सबैभन्दा बढी मोमेन्टम आएको देखिएकोमा पछिल्लो कारोबार दिनमा फाइनान्समा आएको करेक्सनले सेक्टर रोटेसनको संकेत गरेको छ । सेक्टर रोटेसनमा दोस्रो नंबरमा रहेको विकास बंैकमा अझै आकर्षण रहेको छ भन्ने अन्तिम दिनको कारोवारमा ४ वटा विकास बैंक सेक्टरका कंपनी पर्नुले संकेत गरेको छ । त्यसैगरी सेक्टर रोटेसनमा तेस्रो नंबरमा परेको माइक्रोफाइनान्सबाट २ वटा र सेक्टर रोटेसनको ११ नंबरमा परेको हाइड्रोबाट २ वटा कंपनीले लिड गरेको अवस्थामा यसपछि माइक्रोफाइनान्स वा हाइड्रोपावरमा मोमेन्टम आउने हो कि भन्ने संकेत गरेको छ ।
जनवरी २४ यता सबैभन्दा बढी करेक्सन आएको सेक्टरहरुमद्दे पहिलोमा वाणिज्य बैंक समूह, दोस्रोमा इन्भेष्टमेन्ट समूह, तेस्रोमा हाइड्रोपावर र चौथोमा होटेल समूह रहेका छन् । विगत देखिको इन्डेक्स विश्लेषणलाई आधार मान्दा वाणिज्य बैंक समूह त्यति नचलेको र अघिल्ला बुलहरुमा पनि वाणिज्य बैंक समूह अलि पछि नै चल्ने गरेको देखिएकोले यस पटक पनि त्यस्तै हुने सम्भावना छ ।
प्राविधिक रुपमा दैनिक चार्ट विश्लेषण गर्ने हो भने माइक्रोफाइनान्स समूह र नन लाइफ समूहले बोलिंगर ब्याण्डको मिड लाइन क्रस गरिसकेको अवस्था रहेकोले यी दुई सेक्टर सबैभन्दा पहिले चल्ने हो कि भन्ने संकेत गरेको छ ।
तर विगतका केहि अघिल्ला इतिहासलाई हेर्ने हो भने फाइनान्स, विकास बैंक र हाइड्रोपावर समूह सबैभन्दा पहिले चल्ने गरेको देखिएकोले यस पछि हाइड्रोपावर सेक्टर चल्ने संभावना पनि बलियो छ । सेक्टर रोटेसनको हिसाबले माथिको चार्ट अनुसार ११ नंबरमा परेको अर्थात धेरै करेक्सन हुने सेक्टर भित्र परेको र धेरै लगानीकर्ताहरुको रोजाइमा पनि हाइड्रोपावर पर्ने देखिएकोले पनि यस सेक्टरको संभावना ज्यादा छ ।
नेप्से सहित सबै सेक्टरमा मोमेन्टम (Momentum) आउने सम्भावना कति ?
सन् २०२४ को अप्रिल ३० सम्म आइपुग्दा र अघिल्लो वर्षको यसै अवधिलाई विश्लेषण गर्दा अब नेप्सेमा सुधार आई समग्र समूह नै बढ्न सक्ने देखिन्छ । गत बर्ष मे १६ अर्थात जेष्ठ २ गते पश्चात बजार बढेको देखिन्छ । जेष्ठ २ गतेबाट श्रावण ७ गतेसम्म आइपुग्दा नेप्सेमा २२ प्रतिशत भन्दा बढी अर्थात ४०० अंकले बृद्धि भएको देखिन्छ । त्यसको साथसाथै अन्य सबै समूहमा राम्रै बृद्धि भएको थियो । यस आ.ब को अहिले बैशाख महिनाको अन्ततिर पुग्दै गर्दा र जेष्ठ महिना नजिक आँउदै गर्दा विगतको इतिहास दोहोरिने हो भने अहिलेको समय भनेको राम्रा र धेरै करेक्सन आइसकेको सेक्टरमा एक्युमुलेसन गर्ने बेला हो भन्न सकिन्छ । विस्तारै भोल्युममा पनि बृद्धि हुन खोजेको र तेस्रो त्रैमास सकिएर चौथो त्रैमासको सुरुवातमा रहेकोले आगामी केहि महिना बजारमा राम्रै उछाल नआउला भन्न सकिन्न ।
