धितोपत्र बोर्डको स्वीकृतीको पर्खाइमा रहेका आइपिओहरु अव खुल्ने ( विस्तृत विवरण सहित)

धितोपत्र बोर्डको अध्यक्ष पद रिक्त भएपछि केहि महिनादेखि रोकिएका आइपिओहरु अव खुल्ने भएका छन् । खासगरी मापदण्ड पुरा गरेका र अंकित मूल्य प्रति कित्ता रु. एक सय रुपयाँ भएका कम्पनीहरुलाई आइपिओ निस्काशनको लागि अनुमति दिने सम्वन्धमा धितोपत्र बोर्डमा प्रकृया अगाडि बढेको जनाइएको छ । हाल धितोपत्र बोर्डको स्वीकृतीको पर्खाइमा रहेका कंपनीहरुमद्दे १९ वटा कंपनीहरु प्रारम्भिक समीक्षा अन्तर्गत रहेका छन् भने जवाफ र समीक्ष अन्तर्गत १६ वटा कंपनीहरु रहेका छन् ।

अर्थमन्त्री बर्षमान पुनको निर्देशनपछि धितोपत्र बोर्डलाई आइपिओको अनुमति दिन बाटो खुलेको जनाइएको छ । प्रारम्भिक समीक्ष अन्तर्गत रहेका १९ वटा कंपनीहरुमद्दे हाइड्रोपावर कंपनी समूहतर्फ ७ वटा, उत्पादन समूहतर्फ ४ वटा, होटल एण्ड टूरिजम अन्तर्गत १ वटा, इन्भेष्टमेन्ट समूहतर्फ १, लघुवित्त कंपनीतर्फ १ र अन्य क्षेत्र तर्फ ५ वटा कंपनीहरु रहेका छन् । यी कंपनीहरुको जम्मा कित्ता नौ करोड, छपन्न लाख छयासी हजार पाँचसय दश रहेको छ ।
उल्लेखित १९ वटा कंपनीहरुमद्दे ह्याम्स हस्पिटलले रु. २८८ प्रिमियम सहित आइपिओको लागि निवेदन दिएको छ भने सौर्य सिमेन्ट उद्योग लिमिटेडले रु. २६४.५१ प्रिपियम सहित आइपिओको लागि निवेदन दिएको छ । त्यसैगरी मारुती सिमेन्ट लिमिटेडले रु. ३७७ प्रमियम सहित आइपिओको लागि निवेदन दिएको छ भने रिलायन्स स्पिनिगं मिल्सले रु. ८२०.८० प्रमियम सहित आइपिओको लागि निवेदन दिएको छ ।
यस सम्वन्धि विस्तृत विवरण तलको तालिकामा देखाइएको छ ।

त्यसैगरी जवाफ र समीक्षा अन्तर्गत रहेका १६ वटा कंपनीहरुमद्दे उत्पादन समूहतर्फ १, होटल एण्ड टूरिजमतर्फ १ , हाइड्रोपावर कंपनी समूहतर्फ १० र अन्य क्षेत्र तर्फ ४ वटा कंपनीहरु रहेका छन् । यी कम्पनीहरुको जम्मा कित्ता सात करोड, छयालीस लाख सतचालिस हजार पाँचसय सैंतिस रहेको छ । जगदम्मा स्टील लिमिटेडले रु. ३०० प्रमियम सहित आइपिओको लागि निवेदन दिएको छ ।

यस सम्वन्धि विस्तृत विवरण तलको तालिकामा देखाइएको छ ।