वाणिज्य बैंकहरुको खुद नाफामा पहिरो, बैंकहरुको नाफा ९२ प्रतिशतसम्म घट्यो (तेस्रो त्रैमासिक रिपोर्टको आधारमा)

अधिकांश वाणिज्य बैंकहरुले तेस्रो त्रैमासिक रिपोर्ट प्रकाशित गरेका छन् । तेस्रो त्रैमासिक रिपोर्ट प्रकाशित गरेका १९ वटा वाणिज्य बैंकहरुमद्दे अधिकांश बैंकहरुको अवस्था अघिल्लो त्रैमासिक रिपोर्टको दाँजोमा खस्किएको छ । कर्जा असुलीमा सुधार हुन नसक्दा अवस्था नाजुक हुन पुगेको हो । हाल संचालनमा रहेका २० वटा वाणिज्य बैंकहरुमद्दे ७ वटा बैंकहरुले नाफा बढाउन सफल भए पनि १२ बैंकहरुको नाफा घटेको छ ।
तेस्रो त्रैमासिक रिपोर्टको आधारमा सबैभन्दा नाजुक देखिएको नेपाल बैंक लि. रहेको छ । यस बैंकको खुद नाफा १३.०५ करोडमा सिमित हुन पुगेको छ । गत आर्थिक वर्षको तेस्रो त्रैमासिकमा उक्त बैंकले रु. १ अर्ब ७८ करोड रुपयाँ कमाउन सफल थियो ।
यस त्रैमासिकमा सबैभन्दा बढी कमाउन सफल बैंकमा नबिल बैंक लि. रहेको छ । यस बैंकले यस त्रैमासिकमा रु. ४.६७ अर्ब कमाउन सफल भएको छ जुन गत आर्थिक वर्षको तेस्रो त्रैमासिकको दाँजोमा ८.७६ प्रतिशत मात्र कम हो ।
अहिलेसम्मको खुद नाफालाई आधार मान्ने हो भने आगामी वर्ष बाणिज्य बैंकहरुले गत बर्षको भन्दा कम मात्र लाभांश दिन सक्ने आँकलन गर्न सकिन्छ । खराब कर्जा बढ्नु र सोहि अनुपातमा जोखिम बापत ठूलै रकम छुट्टाउनुपर्दा अधिकांश बैंकहरुको खुद नाफामा असर पुगेको हो ।
तेस्रो त्रैमासमा कुन कुन बाणिज्य बैंकले कति कमाए तलको तालिकामा देखाइएको छ ।

चालु आ.ब को तेस्रो त्रैमाससम्म आइपुग्दा कतिपय बैंकहरुको नाफा २ प्रतिशतदेखि ९२ प्रतिशतसम्म घटेको छ भने केहि बैंकहरुको नाफा ९७ प्रतिशतसम्म पनि बढेको छ । खुद नाफा सबैभन्दा बढी बढाउन सफल बैंकमा कृषि विकास बैंक रहेको छ । यस बैंकले ९७.२२ प्रतिशत नाफामा वृद्धि गरेको छ ।
त्यसै गरी १० वटा वाणिज्य बंैकको वितरणयोग्य मुनाफा ऋणात्मक छ भने ९ वटा वाणिज्य बैंकको वितरणयोग्य नाफा धनात्मक छ ।

पछिल्लो बजार मूल्यका आधारमा ११ वटा वाणिज्य बैंकहरुको मूल्य ग्राहम नम्बर (Graham Number) भन्दा कम अर्थात अण्डरभ्याल्युड (Undervalued) देखिन्छ । सबैभन्दा बढी डिस्काउन्टेड बजार मूल्य एनआइएमबि (NIMB) को देखिन्छ जस्को बजारमूल्य ३१.५९ प्रतिशत सस्तो देखिन्छ ।
यस सम्वन्धी विवरण तलको तालिकामा देखाइएको छ ।

ग्राहम नंबरकै आधारमा चर्चा गर्दा केहि बंैकको बजार मूल्य भने ओभर भ्याल्युड (Overvalued) देखिनछ । ग्राहम नंबरको आधारमा सबैभन्दा बढी ओभर भ्याल्युड एनबिएल (NBL) को १५४.३१ प्रतिशत बढी देखिन्छ ।
यस सम्वन्धी विवरण तलको तालिकामा देखाइएको छ ।

वितरणयोग्य मुनाफाको आधारमा एभरेष्ट बैंक अब्बल देखिएको छ जस्को वितरणयोग्य प्रति शेयर आम्दानी रु. ३१.१७ देखिन्छ । दोस्रोमा स्ट्याण्डर्ड चार्टर बैंक देखिन्छ जस्को वितरणयोग्य प्रति शेयर आम्दानी रु. २५.६८ देखिन्छ । वितरणयोग्य आम्दानी सकारात्मक रहेको तर सबैभन्दा कम देखिएको बैंक प्रभु बैंक लि. हो जस्को वितरणयोग्य प्रति शेयर आम्दानी रु. ०.९४ मात्र देखिन्छ । संचित नाफाको आकारमा सबैभन्दा बढी संचित रहेको बैंक नबिल बैंक लि. हो जस्को संचित रकम २७.७८ अर्ब भन्दा बढी रहेको छ ।

यस त्रैमासमा बैंकको खराब कर्जाको अनुपात पनि बढेको छ । बाणिज्य बैंकहरुले प्रवाह गरेको कर्जा समयमा नै नउठेको कारण खराब कर्जा बढ्न गएको हो । चालु आ.ब को तेस्रो त्रैमाससम्म आइपुग्दा सबैभन्दा बढी खराब कर्जा लक्ष्मी सनराइज बैंकको देखिनछ जस्को खराब कर्जाको अनुपात ५.४९ प्रतिशत छ । दोस्रो धेरै खराब कर्जा भएको बैंकमा हिमालयन बैंक र तेस्रोमा कुमारी बैंक लि. रहेको छ । सबैभन्दा कम खराब कर्जा देखिएको बैंकमा एभरेष्ट बैंक लि. देखिएको छ जस्को खराब कर्जाको अनुपात ०.७० प्रतिशत मात्र देखिन्छ ।