नेप्सेमा सूचिकृत कम्पनीहरुमद्दे पछिल्लो कारोबारमा सबैभन्दा बढी टर्नओभर आएका १० कम्पनीहरु कस्ता छन्?

नेप्सेमा सूचिकृत भई पछिल्लो दिनको कारोबारमा सबैभन्दा बढी टर्नओभर (Turnover) आएका १० कम्पनीहरु क्रमशः नेपाल फाइनान्स लि. (NFS), गोर्खा फाइनान्स लि. (GUFL) , ग्लोबल आइएमइ लघुवित्त (GILB) , सिइडीबी हाइड्रोपावर (CHDC), हिमालयन लघुवित्त (HLBSL), एनआरएन इन्फ्रास्ट्रक्चर एण्ड डेभेलोपमेन्ट लि. (NRN) , जानकी फाइनान्स (JFL), पोखरा फाइनान्स (PFL), मल्टिपरपज फाइनान्स (MPFL) र माउन्टेन इनर्जी नेपाल लि. (MEN) हुन् ।

समूहगत विश्लेषण गर्दा उपरोक्त १० कम्पनीहरुमद्दे फाइनान्स (FINANCE) समूहका ५ वटा कम्पनी, लघुवित्त (MICROFINANCE) समूहका २ वटा कम्पनी, इन्भेष्टमेन्ट (INVESTMENT) समूहका २ वटा र हाइड्रोपावर (HYDROPOWER) समूहका १ वटा कम्पनी पर्दछन् ।

फाइनान्स (FINANCE) समूहमा पर्ने ५ वटा कम्पनीहरु नेपाल फाइनान्स लि. , गोर्खा फाइनान्स लि. , जानकी फाइनान्स, पोखरा फाइनान्स र मल्टिपरपज फाइनान्स हुन् । त्यसैगरी लघुवित्त (MICROFINANCE) समूहका कम्पनीहरु ग्लोबल आइएमइ लघुवित्त र हिमालयन लघुवित्त हुन् । इन्भेष्टमेन्ट (INVESTMENT) समूहका सिइडीबी हाइड्रोपावर डेभलपमेन्ट र एनआरएन इन्फ्रास्ट्रक्चर एण्ड डेभेलोपमेन्ट लि. हुन् भने हाइड्रोपावर (HYDROPOWER) कम्पनीमा माउन्टेन इनर्जी नेपाल लि. हुन् ।

बजारमा कारोबारयोग्य शेयर संख्या (FLOATED SHARE) को हिसावले माथि उल्लेखित ५ वटै फाइनान्स कम्पनीहरु लो क्याप (LOW CAP) कम्पनीहरु हुन् । ति सबै फाइनान्स कम्पनीहरुको बजारमा कारोबारयोग्य शेयर संख्या प्रत्येकको ५० लाख कित्ता भन्दा कम रहेको छ । सबैभन्दा कम कारोबारयोग्य शेयर (FLOATED SHARE) संख्या नेपाल फाइनान्स लि. को रहेको छ ।
त्यसैगरी लघुवित्त समूहका कम्पनीहरु ग्लोबल आइएमइ लघुवित्त र हिमालयन लघुवित्त वित्तीय संस्थाको बजारमा कारोबारयोग्य शेयर (FLOATED SHARE) संख्या क्रमशः १८.५७ लाख र १५.६७ लाख कित्ता रहेको छ । कारोबारयोग्य शेयर संख्याको हिसाबले यि कम्पनीहरु ज्यादै साना (LOW CAP) कम्पनीहरु हुन् ।

इन्भेष्टमेन्ट समूहका सिइडीबी हाइड्रोपावर डेभलपमेन्ट कम्पनी लि. मिड क्याप कम्पनी र एनआरएन इन्फ्रास्ट्रक्चर एण्ड डेभेलोपमेन्ट लि. हाइ क्याप (HIGH CAP) कम्पनीहरु हुन् । यिनीहरुको कारोबारयोग्य शेयर (FLOATED SHARE) संख्या क्रमशः ८३.९३ लाख र १.२२ करोड कित्ता छन् ।

हाइड्रोपावर कम्पनीमा माउन्टेन इनर्जी नेपाल लि. हाइ क्याप (HIGH CAP) कम्पनी हो जसको बजारमा कारोबारयोग्य शेयर (FLOATED SHARE) संख्या २.२६ करोड कित्ता रहेको छ ।

फाइनान्स समूहमा पर्ने ५ वटा कम्पनीहरुमद्दे तेस्रो त्रैमासिक रिपोर्टको आधारमा जानकी फाइनान्स र पोखरा फाइनान्स लि. खुद नोक्सानीमा रहेको देखिन्छ भने बाकीं ३ फाइनान्स कम्पनीहरु नाफामा रहेको छ । उपरोक्त फाइनान्स कम्पनीहरुमद्दे सबैभन्दा बढी प्रतिशेयर आम्दानी गोर्खा फाइनान्सको रहेको छ । जसको प्रति शेयर आम्दानी ८.५३ रुपैंया रहेको छ ।

लघुवित्त समूहमा पर्ने २ वटा कम्पनीहरु तेस्रो त्रैमासिक रिपोर्टको आधारमा दुबै नाफामा रहेको देखिन्छ । उपरोक्त लघुवित्त कम्पनीहरुमद्दे सबैभन्दा बढी प्रतिशेयर आम्दानी ग्लोबल आइएमइ लघुवित्तको रहेको छ । जसको प्रति शेयर आम्दानी २३.१० रुपैंया रहेको छ । त्यसैगरी हिमालयन लघुवित्तको प्रति शेयर आम्दानी ४.७५ रुपैंया रहेको छ ।

इन्भेष्टमेन्ट समूहमा पर्ने २ वटा कम्पनीहरु तेस्रो त्रैमासिक रिपोर्टको आधारमा दुबै नाफामा रहेको देखिन्छ । उपरोक्त इन्भेष्टमेन्ट कम्पनीहरुमद्दे सबैभन्दा बढी प्रतिशेयर आम्दानी सिइडीबी हाइड्रोपावर डेभलपमेन्ट कम्पनी लि. को रहेको छ । जसको प्रति शेयर आम्दानी १३.१२ रुपैंया रहेको छ । त्यसैगरी एनआरएन इन्फ्रास्ट्रक्चर एण्ड डेभेलोपमेन्ट लि. को प्रति शेयर आम्दानी ४.५६ रुपैंया रहेको छ ।

हाइड्रोपावर समूहमा पर्ने एउटा मात्र कम्पनी माउन्टेन इनर्जी नेपाल लि. को तेस्रो त्रैमासिक रिपोर्टको आधारमा नाफामा रहेको देखिन्छ । कम्पनी माउन्टेन इनर्जी नेपाल लि को प्रति शेयर आम्दानी १३.६६ रुपैंया रहेको छ ।

प्राविधिक रुपमा चार्ट विश्लेषण गर्दा फाइनान्स समूह बुलिस देखिन्छ । आरएसआइ ६५.८६ र म्याकडीमा बाइ क्रस ओभर रहेकोले यो समूह ट्रेण्डिङ जोनमा रहेको जनाउँछ ।

प्राविधिक रुपमा चार्ट विश्लेषण गर्दा लघुवित्त समूह पनि बुलिस देखिन्छ । आरएसआइ ५७.७६ रहेको छ भने म्याकडीमा केहि दिन यता सेल्स क्रस ओभर रहेको देखिन्छ ।

प्राविधिक रुपमा चार्ट विश्लेषण गर्दा इन्भेष्टमेन्ट समूह वियरीस देखिन्छ । आरएसआइ ४८ं७१ रहेको छ भने म्याकडीमा केहि दिन यता सेल्स क्रस ओभर रहेको देखिन्छ ।

प्राविधिक रुपमा चार्ट विश्लेषण गर्दा हाइड्रोपावर समूह बुलिस देखिन्छ । आरएसआइ ६१.७८ र म्याकडीमा बाइ क्रस ओभर रहेकोले यो समूह ट्रेण्डिङ जोनमा रहेको जनाउँछ ।