तेस्रो त्रैमासिक रिपोर्ट प्रकाशित गरेका कंपनीहरुको वित्तीय विश्लेषण

नेपाल स्टक एक्सचेन्जमा सूचिकृत कंपनीहरुमद्दे केहि कंपनीहरुले हालै मात्र तेस्रो त्रैमासिक रिपोर्ट प्रकाशित गरेका छन् । तेस्रो त्रैमासिक रिपोर्ट प्रकाशित गरेका ति कंपनीहरुमा आरएसडिसी लघुवित्त वित्तीय संस्था, नेपाल फाइनान्स लिमिटेड र ज्योति विकास बैंक लिमिटेड हुन् ।

कंपनीले प्रकाशित गरेको वित्तीय विवरण अनुसार आरएसडिसी लघुवित्त वित्तीय संस्थाको खुद नाफा गत आर्थिक वर्षको सोहि अवधिको तुलनामा बढेको छ भने अन्य दुई कंपनीहरु नेपाल फाइनान्स लिमिटेड र ज्योति विकास बैंक लिमिटेडको खुद नाफा गत आर्थिक वर्षको सोहि अवधिको तुलनामा घटेको छ ।
कंपनीहरुले प्रकाशन गरेको वित्तीय विवरण अनुसार केहि कंपनीहरुको शेयर पुँजीमा बृद्धि भएको छ । जस अन्तर्गत आरएसडिसी लघुवित्त वित्तीय संस्थाको शेयर पुँजी गत बर्षको दाँजोमा ८.६० प्रतिशतले बृद्धि भएको छ भने नेपाल फाइनान्स लिमिटेडको शेयर पुँजीमा ०.२७ प्रतिशत बृद्धि भएको छ । ज्योति विकास बैंक लिमिटेडको शेयर पुँजीमा कुनै पनि परिवर्तन भएको छैन ।
आरएसडिसी लघुवित्त वित्तीय संस्थाको खुद ब्याज आम्दानी घटे पनि इम्पेरमेन्ट चार्ज रिर्भस भएको कारण रिटेन्ड अर्निंङ तथा जगेडा कोषमा बृद्धि भएको छ । नेपाल फाइनान्स लिमिटेडको भने इम्पेरमेन्ट चार्ज बढेको कारण खुद नाफा, रिटेन्ड अर्निंङ तथा जगेडा कोषमा कमी आएको छ । ज्योति विकास बैंक लिमिटेडको पनि इम्पेरमेन्ट चार्ज बढेको कारण खुद नाफामा संकुचन आएको छ भने रिजर्भ एण्ड सरप्लसमा भने ८.४५ प्रतिशतको बृद्धि भएको छ ।
यस सम्वन्धी विवरण तलको तालिकामा देखाइएको छ ।

आरएसडिसी लघुवित्त वित्तीय संस्थाको डिपोजिट र बरोइङ्समा ४.६१ प्रतिशतले गिरावट आएको छ भने लोन तथा एड्भान्समा पनि सामान्य गिरावट आएको छ । नेपाल फाइनान्स लिमिटेडको भने डिपोजिट र बरोइङ्स एवं लोन तथा एड्भान्समा उल्लेखनीय बृद्धि भएको छ । प्रतिशतको आधारमा क्रमशः २४.२९ प्रतिशत र ३३.२५ प्रतिशतको बृद्धि भएको छ । त्यसैगरी ज्योति विकास बैंकको भने सामान्य परिवर्तन मात्र छ । खुद व्याज आम्दानीमा भने आरएसडिसी लघुवित्त वित्तीय संस्थाको १३.४८ प्रतिशतको गिरावट छ भने बाकीं दुई कंपनीहरु क्रमशः नेपाल फाइनान्स लिमिटेड र ज्योति विकास बैंक लिमिटेडको खुद ब्याज आम्दानी भने गत बर्षको सोहि अवधिको तुलनामा १३.२८ प्रतिशत र १.७५ प्रतिशत बृद्धि भएको छ ।
यस सम्वन्धी विवरण तलको तालिकामा देखाइएको छ ।

कंपनीहरुको अपरेटिङ प्रोफिटको कुरा गर्नुपर्दा आरएसडिसी लघुवित्त वित्तीय संस्थाको गत बर्षको तुलनामा ३०.३० प्रतिशतले बृद्धि भएको छ भने बाकीं दुई कंपनीहरु क्रमशः नेपाल फाइनान्स लिमिटेड र ज्योति विकास बैंक लिमिटेडको अपरेटिङ प्रोफिटमा ८२.२३ प्रतिशत र २४.४० प्रतिशतले गिरावट आएको छ । वितरणयोग्य मुनाफाको बारेमा विश्लेषण गर्दा आरएसडिसी लघुवित्त वित्तीय संस्थाको रु. आठ करोड एकसठ्ठी लाख भन्दा बढी रहेको छ भने बाकीं दुई नेपाल फाइनान्स लिमिटेड र ज्योति विकास बैंक लिमिटेडको वितरण योग्य नाफा ऋणात्मक रहेको छ । प्रतिशेयर आम्दानीमा आरएसडिसी लघुवित्त वित्तीय संस्थाको गत बर्षको तुलनामा सामान्य बृद्धि भई रु. १५.८३ पुगेको छ । नेपाल फाइनान्स लिमिटेडको प्रति शेयर आम्दानी २४ पैसा मात्र रहेको छ भने ज्योति विकास बैंक लिमिटेडको रु. ४.६२ रहेको छ ।
यस सम्वन्धी विवरण तलको तालिकामा देखाइएको छ ।

नेटओर्थको सम्वन्धमा तिनैवटा कंपनीको सामान्य बृद्धि भई आरएसडिसी लघुवित्त वित्तीय संस्थाको रु. १२४.६९, नेपाल फाइनान्स लिमिटेडको रु. १३४.८३ र ज्योति विकास बैंक लिमिटेडको रु. १३४.२० पुगेको छ । कंपनीहरुको खराब कर्जाको प्रतिशत मद्दे सबैभन्दा बढी नेपाल फाइनान्स लिमिटेडको ९.२४ प्रतिशत रहेको छ । वितरणयोग्य प्रति शेयर आम्दानीमा आरएसडिसी लघुवित्त वित्तीय संस्थाको रु. १२.१७ छ जुन अघिल्लो त्रैमासको भन्दा बढी हो ।

यस सम्वन्धी विवरण तलको तालिकामा देखाइएको छ ।

यस प्रकार पछिल्लो त्रैमासिक रिपोर्टको आधारमा आरएसडिसी लघुवित्त वित्तीय संस्थाको वित्तीय अवस्था अन्य दुई कंपनीहरुको दाँजोमा अलि बढी मजबुत रहेको देखिन्छ ।